Archive for category Upplýsingar

Félagi Börkur sendi mér tengil á þessa grein, http://blog.firstendurance.com/2010/06/electrolyte-considerations-for-ironman-athletes/

sem fjallar um sölt, steinefni og önnur efni sem er að finna í matvælum og orkudrykkjum. Þetta er þörf lesning fyrir alla sem ætla lengra en maraþon, einkum væntanlega járnbræður mína og járnsystur sem ætla að þrauka í hálfan sólarhring eða þar um bil í Kaupinhafn, að ógleymdum þeim sem ætla kringum Fjallið Hvíta, Mont Blanc, uppáhaldsfjall Bibbu, Barkar og Ásgeirs. Laugavegsfarar sem hafa glímt við krampa og þess háttar önugheit, ættu einnig að lesa.

Það vefst fyrir mörgum að finna tíma til að stunda æfingar og hreinlega sökum anna (fjölskyldan, vinna, skóli svo eitthvað sé nefnt)  er ekki hægt að koma æfingum fyrir í dagskránni.
Sólahringurinn er 24 klukkustundir ef við tökum sólahringinn og skiptum honum í þrennt þá getum við gert ráð fyrir að 8 klukkustundir fari í svefn, 8 klukkustundir fari í vinnu þá eru þarna 8 klukkustundir sem þarf að greina frekar. Það er hægt að áætla slatta tíma í að koma sér í og úr vinnu, klæða og fæða börnin, eitthvað sjónvarpsáhorf og halda úti heimili.  Það er pottþétt einhver tími afgangs í æfingar.  Það er líka alltaf spurning um rétta hugafarið. Farðu í smá greiningu á því hvernig þú nýtir tíma þinn, kannaðu hvort þú komir ekki æfingum fyrir í dagskránni.

Dave Scott skýrir út af hverju úthaldsíþróttafólk þarf að innbyrgða meiri prótein en flest annað fólk! + nokkrar ágætar ábendingar um góða næringu fyrir æfingu.

Eða “The Science Behind Your Socks”

Það er að mörgu að huga þegar kemur að því að kaupa sér sokka.
Hér má sjá góða grein um þetta efni.

Á aðalfundi ÞRÍR í gærkvöldi var samþykkt að hefja undirbúning að stofnun þríþrautasambands Íslands. Í stjórn þess myndu eiga sæti fulltrúar allra þríþrautafélaga á landinu. Núna eru þegar starfandi félög í Reykjavík, Hafnarfirði, Vestfjörðum og einherjar á Selfossi og víðar munu fyrr eða síðar stofna smá félag utan um sig. Ritari þessara lína mun kalla saman undirbúningsfund með fulltrúum félaga og öðrum áhugamönnum eftir áramót. Sambandið verður andlit þríþrautafólks út á við og leitast við að breiða út fagnaðarerindið í sem ríkustum mæli.
Á aðalfundinum var að öðru leyti farið yfir keppnir ársins, kynntar keppnir á komandi ári og þríþrautafólk ársins var tilkynnt. Fyrir valinu urðu María Ögn Guðmundsdóttir og Steinn Jóhannsson, sem þóttu öðrum sigursælli og fengu þau gjafabréf í Afreksvörum í Glæsibæ.
Margar keppnir eru fyrirhugaðar næsta sumar, allt frá sprettþraut í Kópavogi upp í hálfan Ironman í Hafnarfirði. Einnig verður ólympísk þraut í Hafnarfirði í samvinnu ÞRÍR og ÞRÍH. Stóra takmarkið er þó CHallenge Kaupmannahöfn 15. ágúst en þangað stefna nú 25 manns.

Mbl: 18.júlí, 1996

ÞRÍÞRAUTARKAPPINN Einar Jóhannsson gerði það gott um helgina í undankeppni fyrir hina svokölluðu Iron-man þríþrautarkeppni, sem haldin verður á Hawai síðar á þessu ári.

Keppnin fór fram í Roth í Þýskalandi og gerði Einar sér lítið fyrir og tryggði sér sæti í aðalkeppninni á Hawai, lenti í 13. sæti í sínum aldursflokki og 115. sæti í heildina. “Ég er mjög sáttur við árangurinn þó að ég hefði að vísu viljað hlaupa á aðeins betri tíma. Það var erfitt að venjast hitanum á þessum stutta tíma, sem ég var í Þýskalandi en samt bætti ég mig um 21 mínútu frá því í fyrra. Ég er búinn að skrá mig til keppni á Hawai en hvort ég tek svo þátt í henni verður fjárhagurinn síðar á árinu að skera úr um,” sagði Einar í samtali við Morgunblaðið í gær.

Keppendur voru 2.450 í undankeppninni í Þýskalandi en alls er talið að um 20.000 manns muni bítast um þau 1.500 sæti, sem í boði eru á Hawai. Keppt er í 3,8 kílómetra sundi, 180 kílómetra hljólreiðum og 42,2 kílómetra maraþonhlaupi og var tími Einars um helgina 9 klukkustundir, 24 mínútur og 53 sekúndur.