Archive for category Keppnir

Í morgun vaknaði Gísli Ásgeirsson snemma og hitti þá félaga Frey og Guðmund í Morgun útvarpinu á Rás 2.

Fengið af ruv.is

Hálfur járnkarl í Hafnarfirði á sunnudaginn.

Næstkomandi sunnudag verður keppt í hálfu járnkarli í Hafnarfirði. Keppendur munu synda tæpa 2 kílómetra, hjóla 90 kílómetra og hlaupa 21.1 kílómetra. Gísli Ásgeirsson kom í Morgunútvarpið og sagði frá keppninni, en þessi erfiðu íþróttagrein nýtur mikilla vinsælda hér á landi um þessar mundir. Gísli sagði svona keppni eingöngu fyrir þá sem eru í góðu formi.

Hlusta á þá félaga

Torben á flugi "Ljósmynd Magni"

33 keppendur mættu galvaskir til leiks í Mekka þríþrautarinnar í Hafnarfirði nú í morgun til að þreyta Ólympíska þríþraut. Syntir voru 1500m í 50m Ásvallalaug, hjólaðir 40km í  Vallahverfi og upp á Krýsuvíkurveg  og hlaupnir 10km á göngustígum við jaðar Vallahverfis.  Sem betur fer þurfti ekki að fresta keppni sökum öskufoks en ástandið hefur verið vægast sagt frekar skaðlegt í þeim efnum síðustu daga á höfuðborgarsvæðinu.
Hér má sjá myndir af viðburðinum sem teknar eru af Jóhannesi Rúnari Jóhannessyni.    

Heilarúrslit

Grunnupplýsingar:
Ólympísk þríþraut 2010 í Hafnarfirði hefst við Ásvallalaug á keppendafundi kl. 7:50 Kynntar verða leiðir og reglur en annars eru keppendur hvattir til að kynna sér þær á triathlon.is.
Vegalengdir eru 1500 metra sund í Ásvallalaug, 40 km á hjóli á Krísuvíkurvegi og 10 km hlaup í Vallahverfi.
Bæði skiptisvæði á sama stað (sunnanmegin) við laugina. Þetta er einstaklingakeppni en þriggja manna hópar geta einnig verið með og er þá einn áfangi fyrir hvern liðsmann.

Tímataka verður með kerfi Hlaup.com og er mældur nettó sundtími, hjólatími með báðum skiptingum og nettó hlaupatími.
Skráið ykkur hérna og leggið þátttökugjald sem er 2500 kr. á mann eða lið inn á þennan reikning: 303 26 44120 Kt. 441207-1070
Sendið tilkynningu um greiðslu á remisp50@hotmail.com. Greiðsla jafngildir staðfestingu á þátttöku. Liðin skrá sig í heild = 1 skráning og gefa upp “liðakeppni”. Ekki er tekið við greiðslum á keppnisstað og ekki er hægt að skrá sig á staðnum. Hámarksfjöldi keppenda er 48. Skráning lokar miðnætti miðvikudagin fyrir keppni eða þegar hámarksfjöldi er náð.
Athugið líka að keppnisnúmer verður ALLTAF að sjást á keppanda, að framan á hlaupi en að aftan á hjóli. Mælt er með númerabelti sem fæst í Afreksvörum. Liðin VERÐUR að vera með númerbelti eða teygju, því númerið færist á milli manna.
Kort af hjóla- og hlaupaleið verður birt á triathlon.is sem fyrst. Kynnið ykkur leiðirnar. Mælt er með brautarskoðun ef vill. Kynnið ykkur keppnisreglur á triathlon.is

Í svona keppni þarf alltaf starfsfólk og eru þeir sem vilja starfa eitthvað þennan morgun, beðnir að senda Corinnu póst. Corinna@ferill.is eða til Remi.
PS. Vinsamlegast gefið upp sundtíma í athugasemd.
PPS. Fyrirspurnir má senda til Remi eða Corinnu.

2. júní. Brautarskoðun. Þar sem margir keppendur í ÓL-þrautinni ætla í tímatökukeppnina á miðvikudagskvöldið, hafa sumir beðið um brautarskoðun í leiðinni og þótt tilvalið að hita upp með því að hjóla hlaupalegginn frekar rólega og kíkja síðan á upphaf hjólaleiðar. Hefur Secretary General boðist til að hitta lysthafendur við Ásvallalaug á slaginu 19.00 þetta kvöld og fara fyrir skoðunarferð. Allir velkomnir!

Skráning er hafin á hlaup.com. Notað verður tímatökuforrit bróður Stefáns sem hægt er að sækja sér og skoða á hlaup.com.

Líka er hægt að smella beint hérna á skráningarformið.

Listi yfir forskráða er hérna:

Hámarksfjöldi keppenda er 48. Skráningarfrestur er til 3. júní. Ekki er hægt að skrá sig á staðnum.

Hlaupið er út af skiptisvæði í austur eftir planinu í smálykkju og síðan inn á gangstéttina og farið á henni meðfram götunni upp í hverfið. Síðustu 400 metrar að snúningspunkti eru hlaupnir á götunni. Keilur verða á öllum helstu punktum og brautarvarsla við snúningspunkt og helst víðar. Einnig eru keilur við kílómetraskil. Best er að skokka leiðina einu sinni stresslaust til öryggis. Mælingamenn eru fúsir til fylgdar og félagsskapar. Gott er að sameina æfingu á Krísuvíkurvegi og brautarskoðun. Komaso!

P.S. Myndin stækkar ef smellt er á hana!

Keppnisreglur:

1. Allir keppendur verða að mæta á keppnisfund kl. 7:50 á mótsdegi á skiptisvæði við Ásvallalaug.
2. Á brautum í laug ber að synda í hring, þ.e. hægri umferð.
3. Á hjóli verða keppendur að vera með númer að aftan og í hlaupi framan á sér. Eru keppendur hvattir til að verða sér út um númerabelti eða teygju sem festa má númer í.
4. Stranglega bannað er að hjóla fyrir aftan næsta hjólreiðamann (Drafting). Keppenda ber að halda að minnsta kosti 7m fjarlægð frá næsta hjólreiðamanni fyrir aftan og 2m til hliðar. Þegar keppandi tekur framúr hefur hann 25 sek. (sjá nánar inn á hér eða inn á http://www.triduo.com/articlesPage/draftingrules/drafting.htm ) Brot á þessari reglu varðar 5 mínútna tímavíti.
5. Keppendur verða að setja hjálm á höfuð og festa áður en hjól er snert.
6. Keppendur verða að hengja hjól á hjólreiðarekka eftir að hjólalegg er lokið og síðan taka hjálm af. Öll aðstoð utanaðkomandi er bönnuð. Aðeins löggiltir starfsmenn geta veitt keppendum aðstoð.
7. Keppendur verða að virða þá reglu að bannað er að hjóla á skiptisvæði.
8. Keppendum ber að virða almennar umferðarreglur. Hægri umferð gildir alltaf.
9. Í liðakeppni þurfa þátttakendur að nota sama númer, þ.e. hjólreiðamaður afhendir hlaupara númer eftir að hann er búinn að ganga frá hjólinu.
10. Þátttakendur keppa á eigin ábyrgð.
11. Brot á reglum geta varðað brottvísun úr keppni.