Ofursprettþraut 3N - Boðþraut/Liðakeppni

Mótsstjóri: umfn3nmot@gmail.com

Í ár verður boðið upp á boðþraut/Liðakeppni þar sem að einn einstaklingur tekur 1-2 greinar, hver sveit er skipuð tveimur eða þremur einstaklingum. 

Boðþraut:
Forskráningargjald til 1. júlí verður 6000 kr. fyrir liðið en 7000 kr eftir það.

Einn aðili skráir sig fyrir hönd hvers liðs.

*Athugið að flöguleiga er ekki innifalin í skráningargjaldi en verða aðgengilegar þegar að nær dregur keppni (1.365 kr. fyrir staka keppni eða 4.960 fyrir sumarleigu sem að gildir í allar keppnir): 

- Sjá: https://netskraning.is/flogur/

Keppt er eftir reglum Þríþrautarsambands Íslands en nálgast má reglurnar hér.

Ofursprettþraut
– Sund 400 metrar
– Hjól 10 km
– Hlaup 2,5 km

Sundið

Sundið fer fram í Vatnaveröld í Reykjanesbæ í 50 metra laug. Eftir sundið er hlaupið niður tröppur og út úr sundlaugarhúsinu að austanverðu þar sem komið er út á skiptisvæðið.

Hjólið
Hjólaleiðin er 2,5 km hringur sem leiðir þátttakendur framhjá Vatnaveröld í hverjum hring. Farið er út frá skiptisvæði beygt til vinstri upp Skólaveg, beygt til vinstri á hringrorgi inn á Flugvallarveg og aftur vinstri á hringtorgi inn á Hringbraut síðan vinstri á ljósum inn á Skólaveg. Að lokum er beygt inn að Vatnaveröld (Sunnubraut) og farið inn á sama skiptisvæðið aftur.
Hjólaleiðin er nokkuð greið og ætti að vera hægt að ná góðum hraða á leiðinni. Ljúka þarf fjórum hringjum áður en snúið er inn á skiptisvæði.

Hlaupið
Í sprettþrautinni er hlaupið sömu leið og á hjólinu. Um er að ræða 2,5 km hring eins og lýst er hér að ofan. Endað er við Vatnaveröld.

Skiptisvæði
Skiptisvæði verður á bílastæðinu austan við Vatnaveröld. Gæsla verður á svæðinu á keppnistímanum. Svæðið mun þjóna sem skiptisvæði fyrir T1 og T2 (skipting á milli sunds og hjóls er T1 og skipting á milli hjóls og hlaups kallast T2). Hjólarekkar verða á skiptisvæðinu. Þátttakendur er beðnir um að ganga snyrtilega um skiptisvæðið og hafa ekki óþarfa dót inni á svæðinu sem gæti flækst fyrir öðrum í hasarnum.

Tímataka
Notast verður við tímatökukerfi með flögum. Flögur verða afhentar á staðnum með keppnisgögnum. Gæta þarf að flaga og keppnisnúmer sé á sínum stað. Engin flaga, enginn tími. 

Dagskrá
Sprettþrautin verður ræst kl. 9:00. Hjólaskoðun fer fram milli 7:30 til 8:00. Fundur með keppendum kl. 8:00