Norðurljósaþríþrautin 2026 - Opinn flokkur

Norðurljósaþríþraut Skógarbaðanna 25. Júlí 2026

Norðurljósin – Perlur Eyjafjarðar, undirdeild UFA býður til keppni í þríþraut, sprett vegalengd  þann 25. júlí næstkomandi að Hrafnagili í Eyjafirði. Keppt verður í almennum flokki (4. bikar), opnum flokki og ungmennaþraut

Opinn flokkur er hugsaður fyrir öll þau sem eru EKKI skráð í þríþrautfélög og þau sem skráð eru í opinn flokk fá ekki stig í bikarkeppni félaga og einstaklinga. Opinn flokkur keppir ekki um verðlaun á Íslandsmeistaramóti.

Forskráningargjald til 10. júlí er 7.000 kr. en 8500 kr. eftir það.

ATH: Skráningu lýkur miðvikudaginn 22. júlí kl. 23:59 og verður ekki hægt að skrá sig eftir það. 

• Keppnisgjald er ekki endurgreitt.

*Allir keppendur fá frítt í Skógarböðin.

Sprettþraut fullorðnir: 

• 750m sund - 25M sundlaug Hrafnagils
• 22km hjól - fram og til baka á þjóðvegi í Eyjafirði
• 5km hlaup - fram og til baka á göngustíg Hrafnagils
   

Dagskrá: 25. júlí 2026 að Hrafnagili.

• Keppnisgögn sótt frá kl. 09:00 – 09:40 á keppnisstað á keppnisdegi. Keppendur eru beðnir um að mæta tímanlega til að koma sér fyrir á skiptisvæði og kynna sér svæðið
• 09:30 - 10:10 skiptisvæðið opið - Yfirferð búnaðar og hjóla.
• 10:15 Kynningarfundur við skiptisvæði
• 11:00 Ræsing keppni
• 14:00 Verðlaunaafhending við skiptisvæði
• Keppnisstjóri: Frey Eduardo

Hægt er að nýta búningsklefa til fataskipta og sturtu eftir keppni eða jafnvel dýfa sér í sund.

Annað

Reglur í keppninni eru þær sem gilda almennt í keppnum á vegum ÞRÍ https://triathlon.is/upplysingar/keppnisreglur-thri/

Keppnispóstur verður sendur keppendum með kortum og nánari upplýsingum um keppni þegar nær dregur.

Eftir að hjól hefur verið yfirfarið og innritað á skiptisvæði er ekki heimilt að taka það út af skiptisvæði aftur.

Keppendur eru á eigin ábyrgð! Athugið að ekki er lokað fyrir umferð og verða keppendur því að gæta varúðar og fara eftir umferðarreglum á hjólinu.

*Athugið að flöguleiga er ekki innifalin í skráningargjaldi en verða aðgengilegar þegar að nær dregur keppni (1.364 kr. fyrir staka keppni eða 4.960 fyrir sumarleigu sem að gildir í allar keppnir): 

- Sjá: https://netskraning.is/flogur/