Kópavogsþríþraut 2020 - Byrjendaflokkur

Mótsstjóri: thrithraut@breidablik.is

Kópavogsþríþraut Breiðabliks , 21. júní 2020

Kópavogsþríþraut Breiðabliks fer fram þann 21. júní næstkomandi. Keppnisfyrirkomulag verður eins og áður en með smávægilegum breytingum á keppnissvæði vegna COVID-19.

Fjölskylduþrautin

Fjölskylduþrautin verður haldin síðar í sumar/haust og verður auglýst síðar. 

Verðlaun

Til að forðast hópamyndum verður verðlaunaafhending á þann veg að veitt er verðlaun fyrir fyrstu 3 sætin í heildarkeppni karla og kvenna um leið og staðfest úrslit liggja fyrir. Ekki verður því formleg verðlaunaafhending í aldursflokkum á Rútstúni eins og verið hefur. Sigurvegarar aldursflokka verða hylltir rækilega þess í stað á samfélagsmiðlum í lok keppni.

Veitingar

Við munum ekki reisa matartjald eins og síðastliðin ár, en boðið verður upp á kaffi, drykki og létta hressingu á staðnum til að grípa með sér fyrir og eftir keppni. Laugin verður að sjálfsögðu opin eftir keppni, með þeim fjöldatakmörkunum sem hún þó setur.

Ef þið hafið einhverjar spurningar þá er velkomið að senda tölvupóst á netfangið thrithraut@breidablik.is. 

--------------------------------------------------------------

Keppnisfyrirkomulag

Ofursprettþraut Breiðabliks verður haldin þann 21. júní nk kl. 9.00. Vegalengdir eru 400 m sund, 10,3 km hjól og 3,5 km hlaup.

Keppt er eftir reglum þríþrautarnefndar, sjá hér. Sundleggur fer fram í Sundlaug Kópavogs, Skiptisvæði er á Rútstúni fyrir neðan sundlaugina, þaðan sem farið er af stað í hjóla- og hlaupalegg. 

Byrjendaflokkur

Synt er á öllum 10 brautum stóru laugarinnar þaðan sem hlaupið er niður á skiptisvæðið á Rútstúni. Þá tekur hjólið við, þar sem hjólaðir eru 3 hringir út fyrir Kársnes og framhjá sundlauginni sem endar aftur á skiptisvæði á Rútstúni. Þar er skipt yfir á hlaupaskó og hlaupa keppendur 2 hringi inn Kópavogsbraut út fyrir Sunnuhlíð niður að Kópavoginum og til baka.

Kort af keppnissvæði, hlaupa- og hjólalegg í byrjenda og almennum flokki.

Dagskrá 20. júní 2020

kl: 17:30-18:30 afhending keppnisgagna á Rútstúni

Dagskrá 21. júní 2020 

kl: 07:30-8:15 Afhending keppnisgagna

kl: 08:15 Tæknifundur með yfirdómara á Rútstúni 

kl: 09:00 Almennur flokkur

kl: 09:30 Byrjenda flokkur  

Skráningargjald í byrjenda- og almennan flokk er 3.900 kr.