Kópavogsþrautin 2021 - Byrjendaflokkur

Mótsstjóri: thrithraut@breidablik.is

Kópavogsþríþraut Breiðabliks, 09. maí 2021

Kópavogsþríþraut Breiðabliks fer fram þann 9. maí næstkomandi. Keppnisfyrirkomulag verður eins og áður en með fullu tilliti til sóttvarna eins og lög gera ráð fyrir.

Verðlaun

Til að forðast hópamyndum verður verðlaunaafhending á þann veg að veitt er verðlaun fyrir fyrstu 3 sætin í heildarkeppni karla og kvenna um leið og staðfest úrslit liggja fyrir. Ekki verður því formleg verðlaunaafhending í aldursflokkum á Rútstúni eins og verið hefur. Sigurvegarar aldursflokka verða hylltir rækilega þess í stað á samfélagsmiðlum í lok keppni.

Veitingar

Við munum ekki reisa matartjald eins og síðastliðin ár, né bjóða upp á drykki á staðnum því miður vegna hertra sóttvarnarreglna. Laugin verður opin eftir keppni, en að sjálfsögðu með þeim fjöldatakmörkunum sem hún þó setur.

Fjölskylduþrautin

Fjölskylduþrautin verður haldin síðar í sumar/haust og verður auglýst síðar. 

Ef þið hafið einhverjar spurningar þá er velkomið að senda tölvupóst á netfangið thrithraut@breidablik.is

--------------------------------------------------------------

Keppnisfyrirkomulag

Ofursprettþraut sem er 400 metra sund, 10,3 km hjól og 3,5 km hlaup.

Keppt er eftir reglum þríþrautarnefndar, sjá hér. Sundleggur fer fram í Sundlaug Kópavogs, Skiptisvæði er á Rútstúni fyrir neðan sundlaugina, þaðan sem farið er af stað í hjóla- og hlaupalegg. 

Almennur flokkur og byrjendaflokkur

Synt er á öllum 10 brautum stóru laugarinnar þaðan sem hlaupið er niður á skiptisvæðið á Rútstúni. Þá tekur hjólið við, þar sem hjólaðir eru 3 hringir út fyrir Kársnes og framhjá sundlauginni sem endar aftur á skiptisvæði á Rútstúni. Þar er skipt yfir á hlaupaskó og hlaupa keppendur 2 hringi inn Kópavogsbraut út fyrir Sunnuhlíð niður að Kópavoginum og til baka.

Sundræsing - ATH

Ef samkomutakmarkanir rýmka ekki með nýrri reglugerð í vikunni gæti farið svo að ræst yrði með rúllandi starti. Ef svo verður þá mun það kynnt rækilega síðar. Ef takmarka þarf ráshópa við 50 manns og til rúllandi starts kemur þá verður raðað í hópana eftir sundtíma, þannig að mögulega geta góðir sundmenn í byrjendaflokki verið ræstir með fyrri hópnum.

Kort af svæði

Kort af keppnissvæði, hlaupa- og hjólalegg í byrjenda og almennum flokki.

Dagskrá laugardaginn 08. maí 2021

• kl: 15:00 - 16:30 afhending keppnisgagna á Rútstúni.

Dagskrá sunnudaginn 9. maí 2021

• kl: 07:30 - 8:15 Afhending keppnisgagna og skiptisvæði opið.
• kl: 08:30 Tæknifundur með yfirdómara á Rútstúni 
• kl: 09:00 Ungmennaflokkar
• kl: 09:30 Hópur A (50 bestu sundtímar í almennum og byrjendaflokki)
• kl: 10:00 Hópur B (50 næstu sundtímar í almennum og byrjendaflokki) 

Skráningargjald í byrjenda- og almennan flokk er 3.900 kr.