Mótsstjóri: mbingolfsson@gmail.com

Norðurljósaþríþrautin 2021

Ólympísk Þríþraut

Keppni

Norðurljósin – Perlur Eyjafjarðar, undirdeild UFA býður til keppni í ólympískri þríþraut á Norðurlandi þann 24. júlí næstkomandi. Keppnin telur til stiga og er hluti af heildarmótaröð Þríþrautarsambandsins.

Vegalengdirnar eru hefðbundnar fyrir Sprettþraut, 750m sund, 20km hjól og 5km hlaup.

Brautarlýsing

Sund: Synt er í sundlauginni að Hrafnagili. Laugin er 25m löng og 4 brautir. Raðað verður eftir styrkleika í brautirnar, fjórum sundmönnum per braut. Keppendur fá litamerktar sundhettur til að auðvelda talningu. Flautað er fyrir síðustu 50m keppenda.  

Hjól: Hjólaleiðin er 20km og þarf því að fara tvo hringi. Hjólað er norður frá Hrafnagili að afleggjaranum sem liggur upp að Kjarnaskógi. Þar eru brautarverðir sem sýna hvar er snúið við.

Þar er snúið við og hjólað til baka, framhjá Hrafnagili og rúman 1 km suður inn fjörðinn. Þar er útskotsstaður og þar er snúið við og aftur haldið norður að Hrafnagili. Þar er einum hring lokið.

Á kortinu er hjólaleiðin merkt með bláu og örvarnar segja í hvaða röð hringurinn er farinn. Þá er rauði krossinn Hrafnagil.

Hlaup: Hlaupaleiðin er eftir malbikuðum göngustíg, 2.5 km norður frá Hrafnagili og sömu leið til baka. Drykkjarstöð er við snúningspunkt hlaupsins. Drykkastöðvar eru í hlaupinu á 2.5 km fresti. 

Hegningareitur er við skiptisvæði.

Annað

Keppnisgögn verða afhent á keppnisdag.

Notast verður við tímatökuflögur frá timataka.is

Keppt verður í ungmennaflokki, almennum flokki og byrjendaflokki.

Dagskrá:

15.00-16.00        Yfirferð búnaðar og hjóla og afhending keppnisgagna.

16.00                    Kynningarfundur

17.00                    Ræsing keppni

Keppnisstjóri: Magnús Bragi Ingólfsson

Yfirdómari: Margrét J. Magnúsdóttir