Mótsstjóri: thrithraut@breidablik.is

--->      ÚRSLIT      <---

Kópavogsþríþraut Breiðabliks, 08. maí 2022

- ALMENNUR FLOKKUR

Kópavogsþríþraut Breiðabliks fer fram þann 8. maí næstkomandi á Kársnesi Kópavogi. Mótsvæðið er við Rútstún hjá Kópavogslaug, Borgarholtsbraut 17.

Verðlaun

Veitt eru verðlaun fyrir þrjú efstu sætin í heildarkeppni karla og kvenna og einnig í aldursflokkum og ungmennaflokkum. Verðlaunaafhending fer fram á Rútstúni eftir að síðasti keppnisflokkur lýkur keppni, ca. 11:15.

Veitingar

Hið stórglæsilega og vinsæla matartjald verður reist að nýju eins og árin fyrir Covid þar sem boðið verður upp á gott úrval af trefja og prótín hnossgæti. Laugin verður opin eftir keppni með engum fjöldatakmörkunum.

Ef þið hafið einhverjar spurningar þá er velkomið að senda tölvupóst á netfangið thrithraut@breidablik.is

Skráning

Skráningafrestur er til 23:00 fimmtudaginn 5. maí.

--------------------------------------------------------------

Keppnisfyrirkomulag

Ofursprettþraut sem er 400 metra sund, 10,5 km hjól og 3,5 km hlaup. (ath. hefðbundin ofursprettþraut er 2,5 km hlaup, en á þessari braut fær fólk mun meira fyrir peninginn).

Keppt er eftir reglum þríþrautarnefndar frá 2020, sjá hér. Sundleggur fer fram í Sundlaug Kópavogs, Skiptisvæði er á Rútstúni fyrir neðan sundlaugina, þaðan sem farið er af stað í hjóla- og hlaupalegg.

Almennur flokkur og byrjendaflokkur

Synt er á öllum 10 brautum stóru laugarinnar þaðan sem hlaupið er niður á skiptisvæðið á Rútstúni. Þá tekur hjólið við, þar sem hjólaðir eru 4 hringir Kópavogsbraut og Kársnesbraut, suður Urðarbraut framhjá sundlauginni og endað á skiptisvæðinu á Rútstúni. Þar er skipt yfir á hlaupaskó og hlaupa keppendur 2 hringi austur Kópavogsbraut út fyrir Sunnuhlíð niður að Kópavoginum og til baka.

Kort af svæði

Kort af keppnissvæði, hlaupa- og hjólalegg í byrjenda og almennum flokki.

Dagskrá laugardaginn 07. maí 2022

• kl: 15:00 - 16:30 afhending keppnisgagna á Rútstúni.

Dagskrá sunnudaginn 8. maí 2022

• kl: 07:30 - 8:15 Afhending keppnisgagna og skiptisvæði opið.
• kl: 08:30 Tæknifundur með yfirdómara á Rútstúni
• kl: 09:00 Ungmennaflokkar (14-15 ára og 16-17 ára)
• kl: 09:30 Almennur flokkur
• kl: 10:00 Byrjendaflokkur og ungmennaflokkar (18-19 ára og 20-23 ára)
• kl. 11:15 Verðlaunaafhending á Rútstúni

Skráningargjald í byrjenda- og almennan flokk er 3.900 kr. (Skráningagjald í ungmennaflokka er 1.900 kr.)