Sprettþraut í Kjós - liðakeppni - Aflýst

Mótsstjóri: kjosathrautin@gmail.com

Keppnishaldari: Þríþrautarsamband Íslands - info@triathlon.is
Mótsstjóri: Margrét J. Magnúsdóttir - kjosathrautin@gmail.com
Yfirdómari: Torben Gregersen

Liðakeppni í sprettþraut verður haldin sunnudaginn 7. ágúst n.k. Sprettþrautin inniheldur 750 metra sund í Meðalfellsvatni, 20 km hjól í Hvalfirði og 5km hlaup við Meðalfellsvatn. 

Í liðakeppni geta 2-3 verið í liði og skipta þeir með sér greinum og geta liðin verið kynjablönduð.  Ein tímaflaga fer í gegnum þrautina og þurfa keppendur að afhenda tímaflöguna til liðsfélaga á skiptisvæði við hjólarekka liðsins.   Veitt verða verðlaun fyrir þrjú efstu liðin í þrautinni. 

Sprettþraut í Kjós fer fram sunnudaginn 7. ágúst 2022.
Keppni hefst kl. 11:00 og er almennur flokkur, byrjenda flokkur og liðakeppni öll ræst á sama tíma. Skiptisvæði og afhending númera opnar kl. 09:30.

Keppt er eftir keppnisreglum ÞRÍ. Keppendur eru á eigin ábyrgð í keppninni.  

Sprettþraut inniheldur 750m sund/20km hjól/ 5km hlaup.  

Leiðarlýsing:

Sund - 750m, synt meðfram landi í Meðalfellsvatni

Hjól - 20km, Hjólað frá skiptisvæði til norðvesturs inn á Hvalfarðarveg, beygt til vinstri (vesturs) eftir Hvalfjarðarvegi (biðskylda og þarna er vegurinn þveraður).  Hjólað er síðan til vesturs í átt að Tíðaskarði að snúningspunkti sem er eftir 10km.  Þar er snúið við og sama leið hjóluð til baka inn á skiptisvæði þar sem hjól endar.  

Hlaup - 5km, Hlaupið er til suðausturs frá skiptisvæði meðfram Meðalfellsvatni og beygt við enda vatnsins til suðvesturs að snúningspúnkti sem kemur eftir 2,5 km.  Sama leið er síðan hlaupin til baka í endamark.