Norðurljósaþríþrautin - Opinn flokkur (Byrjendur o.fl.)

Mótsstjóri: mbingolfsson@gmail.com

Norðurljósaþríþrautin 2023

Sprettþraut

- OPINN FLOKKUR
Opinn flokkur er hugsaður fyrir alla sem vilja prófa þríþraut en eru ekki skráð í þríþrautfélög. Flokkurinn gefur ekki stig í bikarkeppni félaga og einstaklinga.

Keppnin

Norðurljósin – Perlur Eyjafjarðar, undirdeild UFA býður til keppni í þríþraut, sprettvegalengd á Norðurlandi þann 22. júlí næstkomandi. Keppnin telur til stiga og er hluti af heildarmótaröð Þríþrautarsambandsins.

Vegalengdirnar eru 750m sund, 20km hjól og svo 5km hlaup í þessari röð.

Eftir keppni verður boðið upp á létt snarl. Miði í sund að Hrafnagili fylgir skráningu og því kjörið að nýta búningsklefa fyrir fataskipti og sturtu eftir keppni eða jafnvel dýfa sér í sund.

Keppnispóstur verður sendur keppendum með kortum og nánari upplýsingum um keppni þegar nær dregur. 

Brautarlýsing

Sund: Synt er í sundlauginni að Hrafnagili. Laugin er 25m löng og 4 brautir. Raðað verður eftir styrkleika í brautirnar, fjórum sundmönnum per braut. Keppendur fá litamerktar sundhettur til að auðvelda talningu. Flautað er fyrir síðustu 50m keppenda.  

Hjól: Hjólaleiðin er 20km. Hjólað er norður frá Hrafnagili að afleggjara sem liggur upp að Kjarnaskógi. Þar er snúið við, hjólað til baka og um 1km lengra en bílastæðið að íþróttamiðstöðinni er. Þar er útskotssvæði sem myndar hring sem er seinni snúningspunkturinn. Þar er snúið við og hjólað til baka og aftur inn að Hrafnagili og inn að skiptisvæðinu aftur. 

Hlaup: Hlaupaleiðin er eftir malbikuðum göngustíg, 2.5 km norður frá Hrafnagili að snúningspunkti og sömu leið til baka. 

Brautarverðir eru við alla snúningspunkta.

Líklegt er að ræst verði í hollum þar sem ekki komast fleiri en 16 í sundlaugina í einu. Nánari upplýsingar um hollin berast þegar nær dregur.

Annað

Keppnisgögn verða afhent frá kl. 15-18 föstudaginn 21. júlí, daginn fyrir keppni í M Sport á Akureyri. Ef keppandi getur ekki sótt keppnisgögn á þessum tíma má hafa samband í s. 691-8661.

Reglur í keppninni eru þær sem gilda almennt í keppnum á vegum ÞRÍ Þríþrautarnefnd-ÍSÍ-keppnisreglur-maí 2023.pdf (triathlon.is)

Eftir að hjól hefur verið yfirfarið og innritað á skiptisvæði er ekki heimilt að taka það út af skiptisvæði aftur. 

Notast verður við tímatökuflögur frá timataka.is

Keppt verður í almennum flokki (hluti af bikarkeppni ÞRÍ), byrjendaflokki og ungmennaflokki (u. 18 ára)

Dagskrá: 22. júlí 2023 að Hrafnagili.

11:45-13.00         Yfirferð búnaðar og hjóla.

13.10                   Kynningarfundur við skiptisvæði

14.00                   Ræsing keppni

16.30                   Verðlaunaafhending við skiptisvæði

Keppnisstjóri: Magnús Bragi Ingólfsson

Yfirdómari: Finnur Sveinsson