(Hætt við keppni) Fjölskylduþraut 2XU og 3N

Mótsstjóri: umfn3nmot@gmail.com

Ath. Sendið nánari upplýsingar um hverjir keppendur eru í hverju liði nafn á hverju liði á netfangið umfn3nmot@gmail.com

Fjölskylduþríþraut
– Sund 200 metrar
– Hjól 5 km
– Hlaup 2 km

Sundið
Sundið fer fram í Vatnaveröld í Reykjanesbæ í 50 metra laug. Eftir sundið er hlaupið niður tröppur og út úr sundlaugarhúsinu að sunnanverðu þar sem komið er út á skiptisvæðið á bílastæðinu við sundlaugina.

Hjólið
Hjólaleiðin er 2,5 km hringur sem leiðir þátttakendur framhjá Vatnaveröld í hverjum hring. Farið er út frá skiptisvæði og til vinstri upp Skólaveginn beygt til hægri inná göngustíg sem liggur inn á Vatnsholt, beygt til hægri niður Aðalgötu. Beygt til hægri inn Sóltún að Vatnaveröld. Hjólaðir eru tveir hringir sömu leið.

Hlaupið

Í fjölskylduþríþrautinni verður hlaupið 2 km leið og endað við marklínu við Vatnaveröld. Hlaupið er á gangstétt allan tímann. Hlaupið er frá skiptisvæðinu og beygt til hægri niður skólaveginn beygt gangstéttina til hægri við hringbraut hlaupið upp hringbraut og beygt til hægri inn Faxabraut aftur til hægri inn Sunnubraut og að lokum beygt til hægri niður skólabraut. Hlaupa þarf tvo hringi til að ljúka og hlaupa inn í markið við skiptisvæðið.

Skiptisvæði
Skiptisvæði verður sunnan við Vatnaveröld. Gæsla verður á svæðinu á keppnistímanum. Svæðið mun þjóna sem skiptisvæði fyrir T1 og T2 (skipting á milli sunds og hjóls er T1 og skipting á milli hjóls og hlaups kallast T2). Hjólarekkar verða á skiptisvæðinu. Þátttakendur er beðnir um að ganga snyrtilega um skiptisvæðið og hafa ekki óþarfa dót inni á svæðinu sem gæti flækst fyrir öðrum í hasarnum.
 

Tímataka

Notast verður við skeiðklukku og tími liðs skráður. Lið/keppandi fær keppnisnúmer til afnota. Skipting liða frá sundi í hjól fer fram með því að keppendur gefa hvor öðrum fimmu á skiptisvæði. Skipting milli hjóls og hlaups í liðakeppni fer fram með því að keppandinn sem tekur hlaupalegginn tekur við keppnisnúmerinu setur það á sig innan skiptisvæðisins og hleyptur af stað.

Dagskrá

Fjölskylduþríþrautin verður ræst kl. 12:00. Mæting kl. 11:00 og fundur með keppendum kl. 11:15.