Almennur flokkur er hugsaður fyrir öll þau sem eru skráð í þríþrautfélög og gefur stig í bikarkeppni félaga og einstaklinga.

Kópavogsþríþraut Breiðabliks fer fram þann 11. maí næstkomandi á Kársnesi Kópavogi. Mótsvæðið er við Rútstún hjá Kópavogslaug, Borgarholtsbraut 17.

Verðlaun

Veitt eru verðlaun fyrir þrjú efstu sætin í heildarkeppni karla og kvenna og einnig í aldursflokkum og ungmennaflokkum. Verðlaunaafhending fer fram á Rútstúni eftir að síðasti keppnisflokkur lýkur keppni, ca. 10:45.

Veitingar

Vinsæla matartjaldið verður á sínum stað þar sem boðið verður upp á hamborgarveislu með valmöguleikum fyrir bæði kjötætur og aðra. Laugin verður opin eftir keppni.

Ef þið hafið einhverjar spurningar þá er velkomið að senda tölvupóst á netfangið thrithraut@breidablik.is

Skráning

Skráningafrestur er til 23:00 fimmtudaginn 8. maí.

--------------------------------------------------------------

Keppnisfyrirkomulag

Ofursprettþraut sem er 400 metra sund, 10,5 km hjól og 3,5 km hlaup. (ath. hefðbundin ofursprettþraut er 2,5 km hlaup, en á þessari braut fær fólk mun meira fyrir peninginn).

Keppt er eftir reglum þríþrautarnefndar frá 2023, sjá hér. Sundleggur fer fram í Sundlaug Kópavogs, Skiptisvæði er á Rútstúni fyrir neðan sundlaugina, þaðan sem farið er af stað í hjóla- og hlaupalegg.

Lýsing

Synt er á öllum 10 brautum úti laugarinnar þaðan sem hlaupið er niður á skiptisvæðið á Rútstúni. Þá tekur hjólið við, þar sem hjólaðir eru 4 hringir Kópavogsbraut og Kársnesbraut, suður Urðarbraut framhjá sundlauginni og endað á skiptisvæðinu á Rútstúni. Þar er skipt yfir á hlaupaskó og hlaupa keppendur 2 hringi austur Kópavogsbraut út fyrir Sunnuhlíð niður að Kópavoginum og til baka.

Kort af svæði

Kort af keppnissvæði, hlaupa- og hjólalegg í byrjenda og almennum flokki.

Afhending gagna

• Föstudaginn 9. maí í versluninni Hlaupár. 
• Laugardaginn 10. maí. við sundlaugina (Nánar auglýst síðar).

Dagskrá sunnudaginn 11. maí 2025

• kl: 07:00 - 7:45 Afhending keppnisgagna og skiptisvæði opið.
• kl: 08:00 Tæknifundur með yfirdómara á Rútstúni.
• kl: 08:30 Ungmennaflokkar (14-15 ára og 16-17 ára).
• kl: 09:00 Almennur flokkur.
• kl: 09:30 Opinn flokkur og ungmennaflokkar (18-19 ára og 20-23 ára).
• kl. 10:45 Verðlaunaafhending á Rútstúni.

Keppnisgjald (og ekki gleyma keppnisflögunni!)

• Forskráningargjald til 15. apríl í byrjenda og almennan flokk er 6.000 kr, og 2.000 kr í ungmennaflokk.
• Skráningargjald í byrjenda- og almennan flokk eftir 15. apríl er 8.000 kr. og ungmennaflokka 3.500 kr.

*Athugið að flöguleiga er ekki innifalin í skráningargjaldi en verða aðgengilegar þegar að nær dregur keppni (1.240 kr. fyrir staka keppni eða 4.960 fyrir sumarleigu sem að gildir í allar keppnir): 

- Sjá: https://netskraning.is/flogur/