Norðurljósaþríþrautin 2025 - Almennur flokkur (4. bikar)

Norðurljósaþríþrautin 2025 - 26. júlí

Norðurljósaþríþraut Skógarbaðanna 2025

Norðurljósin – Perlur Eyjafjarðar, undirdeild UFA býður til keppni í þríþraut, sprettvegalengd  þann 26. júlí næstkomandi að Hrafnagili í Eyjafirði. Keppt verður í almennum flokki (4. bikar), opnum flokki og ungmennaþraut fyrir nemendur grunnskóla sem voru í 7-10. bekk síðasta vetur (fædd 2009-2012).

Almennur flokkur er hugsaður fyrir öll þau sem eru skráð í þríþrautfélög og gefur stig í bikarkeppni félaga og einstaklinga. Keppnin er hluti af heildarmótaröð Þríþrautarsambandsins.

Forskráningargjald til 1. júlí er 7000 kr en 8500 kr eftir það.

Sprettþraut fullorðnir: Vegalengdirnar verða 750m sund, 22km hjól og 5km hlaup í þessari röð.

Sprettþraut ungmenni: Vegalengdirnar verða 200 m sund, 4 km hjól og 1,2 km hlaup.

Eftir keppni verður boðið upp á léttar veitingar og allir keppendur fá frítt í Skógarböðin. Hægt er að nýta búningsklefa til fataskipta og sturtu eftir keppni eða jafnvel dýfa sér í sund.

Keppnispóstur verður sendur keppendum með kortum og nánari upplýsingum um keppni þegar nær dregur.

Brautarlýsing fyrir fullorðna

Sund: Syntir verða 750m í sundlauginni að Hrafnagili. Laugin er 25m löng og í henni eru 4 brautir. Raðað verður eftir áætluðum sundtímum á brautir. Keppendur fá litamerktar sundhettur til að auðvelda talningu. Talning í sundi er á ábyrgð keppanda en það verður þó flautað þegar 50m eru eftir samkv. talningu á bakka.

Hjól: Hjólaðir eru 22 km. Hjólað er út af skiptisvæði og teknar 3 hægri beygjur á leið út úr hverfinu (Brautarverðir eru við allar beygjur). Þegar komið er út á þjóðveg er hjólað í suður að Botnsreit þar sem snúið er við í útskoti sem þar er. Síðan er hjólað eftir þjóðveginum í norður að afleggjaranum að Kjarnaskógi þar er snúið og hjólað til baka að Hrafnargilshverfinu og sama leið farin inn í hverfið og hjólað var í upphafi.

Hlaup: Hlaupaleiðin er eftir malbikuðum göngustíg, 2.5 km norður frá Hrafnagili að snúningspunkti og sömu leið til baka.

Brautarverðir eru við alla snúningspunkta.

Brautarlýsing fyrir ungmenni

Sund: Syntir verða 200m í sundlauginni að Hrafnagili. Laugin er 25m löng og í henni eru 4 brautir. Raðað verður eftir áætluðum sundtímum á brautir. Keppendur fá litamerktar sundhettur til að auðvelda talningu. Talning í sundi er á ábyrgð keppanda en það verður þó flautað þegar 50m eru eftir samkv talningu á bakka.

Hjól: Hjólaleiðin er u.þ.b. 4km löng eftir gamla þjóðveginum í suður frá Hrafnargilshverfinu (ath hjólaleið gæti breyst vegna byggingavinnu á svæðinu.

Hlaup: Hlaupaleiðin er niður á íþróttavöll austan við íþróttamiðstöðina, þar verða hlaupnir 2 hringir á hlaupabrautinni sem er malarbraut og til baka að marksvæði við íþróttamiðstöðina.

Brautarverðir eru við alla snúningspunkta.

Annað

Reglur í keppninni eru þær sem gilda almennt í keppnum á vegum ÞRÍ https://triathlon.is/upplysingar/keppnisreglur-thri/

Eftir að hjól hefur verið yfirfarið og innritað á skiptisvæði er ekki heimilt að taka það út af skiptisvæði aftur.

Notast verður við tímatökuflögur frá timataka.is ATH keppendur þurfa sjálfir að leiga flögu af tímatöku. Flöguleiga er ekki innifalinn í skráningagjaldi. Keppendur í ungmennaþraut greiða ekki fyrir flögur, linkur fyrir flöguleigu í ungmennaþraut kemur inn fljótlega.
Allar nánari upplýsingar og skilmála er að finna á https://netskraning.is/flogur

Dagskrá: 26. júlí 2025 að Hrafnagili.

09:30 – 10:10 Yfirferð búnaðar og hjóla.

10:15 Kynningarfundur við skiptisvæði

11:00 Ræsing keppni

14:00 Verðlaunaafhending við skiptisvæði

Keppnisstjóri: Sigrún Kristin Jónsdóttir

Yfirdómari: Margrét Magnúsdóttir

Aðstoðardómari: Margrét Ágústsdóttir