- UNGMENNAFLOKKAR

Kópavogsþríþraut Breiðabliks fer fram sunnudaginn 11. maí næstkomandi. 

Boðið verður upp á sérstaka ungmennaflokka sem eru:

• 14-15 ára
• 16-17 ára
• Ath. 18-19 ára keppa nú í Almennum eða Opnum flokki, en aldursflokkaverðlaun eru veitt í þeim flokkum.

Verðlaun

Veitt eru verðlaun fyrir þrjú efstu sætin í hverjum ungmennaflokki. Verðlaunaafhending fer fram á Rútstúni eftir að síðasti keppnisflokkur lýkur keppni, um kl. 10:45.

Keppnisfyrirkomulag

Synt er í sundlaug Kópavogs og þaðan er hlaupið niður á skiptisvæðið á Rútstúni. Þá tekur hjólið við og eru farnir tveir hringir (3,4 km) áður en aftur er komið inn á skiptisvæði á Rútstúni. Þar er hjólið og hjálmurinn skilinn eftir og skipt yfir í hlaupaskó ef keppendur nota sérstaka hjólaskó. Svo hlaupa keppendur einn hring (1,7 km) og aftur inn á skiptisvæðið þar sem markið er.

Keppt er eftir reglum þríþrautarnefndar frá 2025, sjá hér. Sundleggur fer fram í Sundlaug Kópavogs, Skiptisvæði er á Rútstúni fyrir neðan sundlaugina, þaðan sem farið er af stað í hjóla- og hlaupalegg. 

14-15 ára og 16-17:

• 200 m sund (Eru á sér sundbraut, en ræst á sama tíma og Opni flokkurinn) 
• 3,4 km hjól (tveir hringir). Ath. í fyrra var einn hringur með auka lúppu, en ekki í ár.
• 1,7 km hlaup (einn hringur)

• Kort af keppnissvæði, hlaupa og hjólalegg í flokki 14-15 ára og 16-17 ára.

18-19 ára

Sama keppnisbraut og fullorðnir. Hægt að velja um Opinn eða Almennan flokk

• Smellið hér fyrir skráningarsíðu Almenna flokksins (Keppnisflokkur)
• Smellið hér fyrir skráningarsíðu Opna flokksins (Óvanari, byrjendur)

Afhending gagna

• Föstudaginn 9. maí í versluninni Hlaupár, Fákafeni kl. 11-18.
• Laugardaginn 10. maí í versluninni Hlaupár, Fákafeni kl. 12-16.
• Sunnudaginn 11. maí á Rútstúni við sundlaug Kópavogs kl. 7:00-7:30.

Gjöf frá Aquasport til þeirra sem sækja gögnin tímanlega.

Dagskrá sunnudaginn 11. maí 2025

• kl: 07:00 - 7:45 Afhending keppnisgagna og skiptisvæði opið.
• kl: 08:00 Tæknifundur með yfirdómara á Rútstúni..
• kl: 08:30 Almennur flokkur.
• kl: 09:00 Opinn flokkur og yngstu aldursflokkar (14-15 ára og 16-17 ára).
• kl: 10:30 (c.a) Verðlaunaafhending á Rútstúni.

Keppendur eru á eigin ábyrgð! Athugið að ekki er lokað fyrir umferð og verða keppendur því að gæta varúðar og fara eftir umferðarreglum á hjólinu.

Keppnisgjald (og ekki gleyma keppnisflögunni!)

• Forskráningargjald til 15. apríl í ungmennaflokk er 2000 kr.
• Skráningargjald í ungmennaflokk eftir 15. apríl er 3.500 kr.
• Keppnisgjald er ekki endurgreitt.

*Athugið að flöguleiga er ekki innifalin í skráningargjaldi en verða aðgengilegar þegar að nær dregur keppni (1.240 kr. fyrir staka keppni eða 4.960 fyrir sumarleigu sem að gildir í allar keppnir): 

- Sjá: https://netskraning.is/flogur/

Ef þið hafið einhverjar spurningar þá er velkomið að senda tölvupóst á netfangið thrithraut@breidablik.is