Sprettþraut Selfoss 2025 - Almennur flokkur (5. bikar) -

Mótsstjóri: info@triathlon.is

Sprettþraut Selfossi 2025

- ALMENNUR FLOKKUR

Almennur flokkur er hugsaður fyrir öll þau sem eru skráð í þríþrautfélög og gefur stig í bikarkeppni félaga og einstaklinga.

Keppnin

Sprettþraut Selfoss verður haldin sunnudaginn 10. ágúst nk. Keppnin telur til stiga og er hluti af heildarmótaröð Þríþrautarsambands Íslands.

Vegalengdirnar eru 750m sund, 18 km hjól og svo 5km hlaup í þessari röð.

Keppnispóstur verður sendur keppendum með nánari upplýsingum um keppni og afhendingu gagna þegar nær dregur. 

Verð er 6.000 kr en leigja þarf keppnisflögu sérstaklega:
Forskráningarverð er 4.500 gildir til 1.7.2025
 

*Athugið að flöguleiga er ekki innifalin í skráningargjaldi, verð 1.240 kr pr keppni eða 4.960 fyrir sumarleigu sem að gildir í allar keppnir á vegum ÞRÍ og einnig í keppnir á vegum Hjólreiðasambandsins:
https://netskraning.is/flogur/

Kynnið ykkur Keppisreglur ÞRÍ hér

Brautarlýsing

Sund: Synt er í Sundhöll Selfoss. Laugin er 25m löng og 5 brautir. Raðað verður eftir styrkleika í brautirnar. 

Hjól: Hjólaleiðin er 18km og munu brautarverðir leiðbeina keppendum.Athugið að keppendur eru beðnir um að kynna sér leiðina. 

Leiðarlýsing (sjá Kort). Hjólað verður frá Sundöll Selfoss sem leið liggur Sólvelli, beygt til hægri Reynivelli, þaðan til vinstri Engjaveg, til hægri Langholt, til vinstri Suðurhóla og út á Gaulverjabæjarveg til hægri þaðan er svo beygt inn Votmúla veg og er hann hjólaður að enda þar sem snúið er við og hjóluð sama leið til baka.

Sjá hér: Hjólaleið

Hlaup: Hlaupið er frá Sundhöll Selfoss sem leið liggur um Tryggvagötu að hringtorgi við FSU. Við hringtorg er hlaupið yfir gangstétt yfir á göngu og hjólastíg við Langholt og er sá stígur hlaupin alla leið að keilu við Austurveg þar snúið er við og hlaupin sama leið til baka.

Sjá hér: Hlaupaleið

ATHUGIÐ: Það verða brautarverðir á hjóla- og hlaupaleið en þar sem götur eru opnar fyrir almennri umferð eru keppendur beðnir um að fylgja umferðarreglum og hafa varann á. Það er einnig á ábyrgð keppenda að kynna sér brautina.

Brautarverðir eru við snúningspunkt á hlaupa og hjólaleið.

Eftir að hjól hefur verið yfirfarið og innritað á skiptisvæði er ekki heimilt að taka það út af skiptisvæði aftur. 

Dagskrá: 10. ágúst 2025.

07:30                Skiptisvæði opnar

07:30-08.30     Yfirferð búnaðar og hjóla. Skipstisvæði lokar 8:30.

08:30               Keppnisfundur við skiptisvæði - Skyldumæting

09.00               Sundlaug opnar

09:20               Keppni hefst

11:30               Verðlaunaafhending við skiptisvæði

Keppnishaldari áskilur sér rétt til að breyta tímasetningum ef þörf krefur.