Reykjavíkurþrautin 2026 - (3. bikar Íslandsmót) - Almennur flokkur

Mótsstjóri: aegir3@gmail.com

Íslandsmótið í ólympískri þríþraut 2026 - (3. bikar)

Keppnishandbókin er komin út, vinsamlegast lesið vel og minnum á að það er á ábyrgð keppenda að kynna sér brautina vel: 

KEPPNISHANDBÓK HÉR

Keppnisfundur fer fram daginn fyrir keppnina, laugardaginn 4. júlí, kl 10:30-11:30 í húsnæði Kletts Klettagörðum 8-10 og brautarskoðun fer fram kl 12:00 sama dag.


Ægir3 og Reykjavíkurborg standa fyrir einstökum þríþrautarviðburði þegar Reykjavíkurþríþrautin fer fram í fyrsta sinn í miðborg Reykjavíkur sunnudaginn 5. júlí 2026. Keppni hefst kl. 08:00.

– ALMENNUR FLOKKUR
Almennur flokkur er ætlaður öllum þeim sem skráðir eru í þríþrautarfélag. Flokkurinn gefur stig í bikarkeppni félaga og einstaklinga.

Synt verður við Skarfaklett, meðfram hafnargarðinum að Skarfagarðsvita og til baka tvo hringi, samtals 1500 m. Hjólað verður frá Skarfaklettssvæðinu eftir Sæbraut að Hörpu. Farnir verða fimm hringir, samtals 40 km. Hlaupið verður meðfram Sæbraut á göngustígnum að Hörpu og til baka að Skarfakletti. Hlaupinn verður einn hringur, samtals 10 km.

Athugið að Sæbraut verður lokuð á meðan hjólakeppnishluti fer fram.

Allar nánari upplýsingar verða birtar á https://www.aegir3.is/.

Skráningu lýkur kl. 23:59 fimmtudaginn 2. júlí 2026.

Forskráningarverð 9.900 til 25. maí nk. Eftir það er verðið14.900 kr.

*Athugið að flöguleiga er ekki innifalin í skráningargjaldi en flögur verða aðgengilegar þegar nær dregur keppni
(1.364 kr. fyrir hverja keppni eða 4.960 kr. fyrir sumarleigu sem gildir í allar keppnir).
https://netskraning.is/flogur/

Kynnið ykkur keppnisreglur ÞRÍ hér

Við minnum sérstaklega á eftirfarandi atriði:

• Skylt er að nota blautbúning og hjálm í keppninni.
• Tímatökuflögu og keppnisnúmeri skal skila strax að keppni lokinni.
• Óheimilt er að keppa með tónlist í eyrum í öllum greinum keppninnar.
• Bannað er að henda rusli á keppnisleið, svo sem umbúðum utan af orkugeli.
• Keppendur skulu hjóla hægra megin á veginum og ávallt fylgja gildandi umferðarreglum.
• Aldurstakmark í ólympískri þríþraut er 18 ár miðað við fæðingarár.
• Allir keppendur taka þátt á eigin ábyrgð. Sérstaklega er bent á að vatnið getur verið kalt og því mikilvægt að keppendur hafi reynslu af sundi í köldu vatni.

Aldurstakmark 18 ára.
 

ATHUGIÐ: Keppnisgjald verður ekki endurgreitt. Keppendur taka þátt á eigin ábyrgð. Einnig er vakin athygli á því að ekki verður lokað fyrir gangandi umferð í hlauphluta keppninnar og eru keppendur því beðnir um að gæta fyllstu varúðar, ásamt því að fara eftir umferðarreglum á hjóli og halda sig hægra megin.