Afreksstefna

Hvernig er valið í hópa og lið sérsambands

Íþróttamaður, eldri en 23 ára, sem óskar eftir því að vera skráður í keppni á vegum World Triathlon (mót sem eru á dagskrá á www.triathlon.org undir Events) þarf að standast viðmið ÞRÍ um lágmarkstíma í sundi og hlaupi. Lágmarkstímum er skipt upp í A, B og C lágmörk.

Keppandi sem nær A lágmarki öðlast rétt til að keppa fyrir Íslands hönd á World Triathlon mótum. ÞRÍ styður viðkomandi með greiðslu keppnisgjalda/kostnaðar eftir því sem fjárráð ÞRÍ leyfa og stjórn samþykkir á hverjum tíma.

Keppandi sem nær B lágmarki öðlast rétt til að keppa fyrir Íslands hönd á World Triathlon mótum en gerir það á eigin kostnað.  ÞRÍ skráir ekki keppendur inn á World Triathlon mót í meistaraflokki nema viðkomandi standist B lágmörk.

C lágmörk eru hugsuð fyrir keppendur sem komast ekki inn á World Triathlon mót í gegnum A eða B lágmörk en stefna markvisst í þann hóp. ÞRÍ mun vinna með viðkomandi að því markmiði að standast A eða B lágmörk.

ÞRÍ hefur heimild til að endurnýja keppnisleyfi afreksfólks í meistaraflokki án sérstakra tímamælinga ef árangur viðkomandi í meistaraflokkskeppnum bendir eindregið til framfara viðkomandi í íþróttinni frá þeim tíma er upphaflegt keppnisleyfi hans var samþykkt hjá ÞRÍ.

Ungmenni (undir 23 ára) og unglingar (17-18 ára) vinna saman með ÞRÍ og þjálfurum sínum að þátttöku í alþjóðlegum mótum í samræmi við getu viðkomandi.

Lágmarkstímar í sundi og hlaupi

Lágmarkstímar (hámarks) fyrir árið 2020 skiptast í A, B og C lágmörk.  A, B og C lágmörkin gilda fyrir 23 ára og eldri. Hægt er að flytja allt að 30 sekúndur með sér úr sundi yfir í hlaup (einstaklingur sem syndir 30 sekúndum undir lágmarki má vera 30 sekúndum yfir lágmarki í hlaupi). Ekki er hægt að flytja tíma úr hlaupi yfir í sund. Ná þarf báðum tímum (sund og hlaup) til að teljast hafa náð lágmarki. Sundtímar miðast við 25 metra laug en tímar úr 50 metra laug gilda einnig. Hlaupatímar miðast við brautarhlaup í keppni eða löglega mælt götuhlaup (löglega mælt af FRÍ). ÞRÍ getur leyft tíma af æfingamóti sé það tilkynnt fyrirfram til ÞRÍ í gegnum tölvupóst að viðkomandi einstaklingur ætli sér að reyna að ná lágmarki á því æfingamóti og braut er löglega mæld. Tímar úr sundhluta þríþrautar í vatni eða sjó (e. open water) gilda ekki en það má senda inn tíma úr sundhluta þríþrautar sem fer fram í sundlaug. Tímar úr hlaupahluta þríþrautar gilda ekki nema að braut sé löglega mæld. Tímamælingar einstaklings skulu vera innan við ársgamlar þegar keppandi leggur þær fram og óskar eftir skráningu.

Viðmiðunartímar

Stjórn ÞRÍ hefur sett eftirfarandi viðmið í afreksstefnu sína fyrir árið 2021. A viðmiðin eru þau sömu og danska þríþrautarsambandið setti fyrir 20 ára keppendur árið 2021.

Afreksstefnu ÞRÍ í heild sinni fyrir árið 2021 má finna hér:

Síðasta uppfærsla: 28. February 2021 kl: 21:31