Laugarvatnsþrautin 24. júní.

Ægir3 stendur fyrir sjötta Íslandsmeistaramótinu í ólympískri þríþaut á Laugarvatni  sunnudaginn 24. júní 2018.
Synt í Laugarvatni – Búningaaðstaða og slökun í Fontana.

ÓLYMPÍSK ÞRÍÞRAUT – Íslandsmeistaramót
SUND – 1500m/ HJÓL – 40km/ HLAUP – 10 km
Einstaklings- og liðakeppni(boðsveitir)
Keppni hefst kl: 9:00

HÁLF ÓLYMPÍSK ÞRAUT
SUND – 750m/ HJÓL – 20km/ HLAUP– 5 km
Einstaklingskeppni
Keppni hefst kl: 10:00

Skráning:
Í lengri vegalengdinni er bæði einstaklings- og liðakeppni ásamt byrjendaflokki.
Keppnisgjald er 8.500 kr. fyrir einstaklinga en 9.500 kr. fyrir lið (boðsveit).

Í styttri vegalengdinni er eingöngu einstaklingsskráning.
https://www.netskraning.is/laugarvatnsthrithraut/
Skráningu lýkur kl.23.59 miðvikudaginn 20. júní.

Ægir 3 triathlon club hosts a triathlon event at Laugarvatn (postcode 840), Sunday June 24th, 2018. Olympic distance and a half olympic distance. Wetsuit and helmet are mandatory.

Viðbót 12.júní: Keppnishaldarar Laugarvatnsþríþrautar vilja upplýsa að:
1. Hitastigið í vatninu er núna um 12-13 gráður. Það verður svo nánar mælt fyrir keppni og upplýsingar veittar.
2. Það verður heimilt að nota neoprene sokka og neoprene húfu. Utan yfir verður þó að setja sundhettu.
3. Nánari upplýsingar varðandi hvað verður gert ef vatnið er of kalt eða ef lofthiti/vindkæling er óhagstæð er að vænta alveg á næstunni frá ÞRÍ. Við munum strax setja þessar upplýsingar inn þegar þær berast.
3. Hægt verður að krefja keppendur um að fara í utanyfirgalla á hjólinu ef keppnishaldarar meta aðstæður þannig.
4. Tölvupóstur með nánari upplýsingum verður sendur til skráðra þátttakanda daginn eftir að skráningu lýkur.
5. Hjólaleiðin verður með breyttu sniði í ár vegna framkvæmda og verður farið um Lyngdalsheiði.

Leiðarlýsingar

Sund
 Í ólympískri vegalengd eru syntir tveir “hringir” en einn hringur í hálfri ólympískri vegalengd. Leiðin verður merkt með baujum og flöggum.

Hjól – Ólympísk
Hjólað er frá Íþróttahúsinu upp Laugabraut og beygt til vinstri inn á Dalbraut (vegur 37) að hringtorginu þar sem fyrsti útgangur er tekinn inn á Lyngdalsheiðina (vegur 365). Hjólað er tæpa 10 km eftir Lyngdalsheiðarvegi, að snúningspunkti sem er u.þ.b 400 metrum vestan við Bragabót. Hjólað aftur að hringtorginu, hjólaður heill hringur í því  og Lyngdalsheiðarvegurinn hjólaður aftur upp að snúningspunkti. Síðan er hjólað til baka að hringtorginu, Dalbrautin hjóluð þangað til beygt er til hægri niður Laugabraut og endað við Íþróttahúsið.

Lyngdalsheidi_start_Stop Lyngdalsheidi_oll

Hjólaleið

Hjól – hálf ól.
Hjólað er frá Íþróttahúsinu upp Laugabraut og beygt til vinstri inn á Dalbraut (vegur 37) að hringtorginu þar sem fyrsti útgangur er tekinn inn á Lyngdalsheiðina (vegur 365). Hjólað er tæpa 10 km eftir Lyngdalsheiðarvegi, að snúningspunkti sem er u.þ.b 400 metrum vestan við Bragabót. Hjólað aftur að hringtorginu, Dalbrautin hjóluð þangað til beygt er til hægri niður Laugabraut og endað við Íþróttahúsið.

 

Hlaup – Ólympísk:
Byrjað er á að hlaupa eftir Hverabraut í átt að gamla íþróttakennaraskólanum og snúið við um keilu. Síðan eru hlaupnir 3 hringir af eftirfarandi: Framhjá íþróttahúsinu, beygt til vinstri inn Laugabraut og svo til hægri inn Lindarbraut. Lindarbrautin er hlaupin þangað til hún beygir til vinstri, en þar er haldið beint áfram eftir göngustíg þangað til komið er í Hrísholt. Hlaupið eftir Hrísholtinu þangað til beygt er til vinstri inn á Dalbraut. Hlaupið eftir Dalbraut framhjá menntaskólanum og hringtorginu. Fyrsta beygja til vinstri eftir hringtorgið og eftir malarvegi og stíg þangað til að komið er að íþróttahúsinu aftur.

Hlaup, ólympísk vegalengd

Hlaup, ólympísk vegalengd

Hlaup – hálf ól.
Hlaupnir eru 2 hringir, fyrst minni hringur og síðan stærri hringur. Stærri hringurinn er sá sami og heila ólympíska fer. Hlaupið frá íþróttahúsinu til vinstri inn á Laugabraut. Beygt til vinstri inn á Dalbraut. Hlaupið eftir Dalbraut framhjá menntaskólanum og hringtorginu. Fyrsta beygja til vinstri eftir hringtorgið og eftir malarvegi og stíg framhjá íþróttahúsinu aftur (fyrri hring lokið), beygt til vinstri inn Laugabraut og svo til hægri inn Lindarbraut. Lindarbrautin er hlaupin þangað til hún beygir til vinstri, en þar er haldið beint áfram eftir göngustíg þangað til komið er í Hrísholt. Hlaupið eftir Hrísholtinu þangað til beygt er til vinstri inn á Dalbraut. Hlaupið eftir Dalbraut framhjá menntaskólanum og hringtorginu. Fyrsta beygja til vinstri eftir hringtorgið og eftir malarvegi og stíg þangað til að komið er að íþróttahúsinu aftur.

Hlaup, hálf ólympísk vegalengd

Hlaup, hálf ólympísk vegalengd

Keppnin
Ræst verður úti í vatninu og allir ræstir á sama tíma í sömu vegalengd. Keppendur eru í blautgöllum og með flöguna festa við ökkla. Keppendur labba út að rásmarki í vatninu sem merkt verður með flöggum. Það er hægt að botna á flestum stöðum í Laugarvatni en einnig verður bátur á vatninu til að gæta öryggis sundfólks. Eftir að sundi er lokið á að fara aftur á milli flagganna á leiðinni í land. Á skiptisvæðinu eru gallarnir skildir eftir við hjólastæðið og keppendur taka hjálm, númer á númerabelti (númerið snúi aftur) og hjól. Boðsveitir færa flöguna á milli liðsfélaga. Við mælum með að fólk fari í peysu eða jakka eftir sundið svo það nái að halda á sér hita á hjólinu. Mótstjórn er komin með leyfi til að krefjast þess að keppendur klæði sig vel fyrir hjólið ef samspil vatns- og lofthita verður óhagstætt. Hjólið er leitt út af skiptisvæðinu að merktri línu þar sem má fara á hjólið og hjóla af stað (sjá mynd af hjólaleið). Eftir hjólalegg er aftur hjólað að skiptisvæði, farið af hjólinu við línuna og hjólinu skilað á sama hjólastæði. Númerabeltinu er nú snúið þ.a. númerið sjáist framan á keppandanum. Ekki má fara út af skiptisvæðinu með hjálminn. Keppendur í ólympískri vegalengd hlaupa þrjá merkta hringi með smá (sjá hér ofar lýsingu og mynd af hlaupaleið) en keppendur í hálfri vegalengd hlaupa aðra leið í byrjun og svo einn hring eins og ólympíska vegalengdin (sjá leiðarlýsingu ofar).

Reglur
Ólympíska vegalengdin er hluti af stigakeppni Þríþrautasambands ÍSÍ og keppt er eftir reglum sambandsins í báðum vegalengdum, sjá reglurnar.  Við minnum sérstaklega á nokkur atriði: Blautbúninga- og hjálmaskylda. Bannað er að hjóla með tónlist í eyrunum, bannað er að henda rusli t.d. utan af orkugeli. Hjóla þarf hægra megin á veginum með 10 metra lágmark í næsta keppanda því bannað er að nýta sér skjól af keppanda og bílum.
Aldurstakmark er 16 ára, miðað við fæðingarár.
Allir keppendur eru á eigin ábyrgð í keppnum.

Fyrsta þríþrautarþing Þríþrautarsambands Íslands

Fyrsta þríþrautarþing Þríþrautarsambands Íslands var haldið í dag í húsnæði ÍSÍ að Engjavegi 6.
Hafsteinn Pálsson var þingforseti og Jón Oddur Guðmundsson þingritari.

Nú eru tæp tvö ár frá því Þríþrautarsamband Íslands var stofnað, en stofndagurinn var 27. apríl 2016.
Á þinginu í dag, flutti formaður skýrslu stjórnar, gjaldkeri fór yfir endurskoðaða reikninga, lagabreytingar voru gerðar auk þess sem fjárhagsáætlun fyrir 2018 var lögð fram.

 

Kosin var ný stjórn sem er skipuð á eftirfarandi hátt:
Halldóra Gyða Matthíasdóttir Proppé – forseti (til tveggja ára)

Hákon Hrafn Sigurðsson – stjórn (til tveggja ára)
Sarah Cushing – stjórn (til tveggja ára)
Rannveig Guicharnaud – stjórn (til eins árs)
Kristín Laufey Steinadóttir – stjórn (til eins árs)
Jón Oddur Guðmundsson – varastjórn (til eins árs)
Gylfi Örn Gylfason – varastjórn (til eins árs)
Bjarki Freyr Rúnarsson – varastjórn (til eins árs)

Við bjóðum nýja stjórnarmenn velkomna á sama tíma og við þökkum fráfarandi stjórnarmönnum, Steffi Gregersen, Rúnari Erni Ágústssyni, Stephen Patrick Bustos og Jóni Sigþóri Jónssyni fyrir þeirra framlag í þágu Þríþrautarsambands Íslands.

 

Þríþrautarsamband Íslands auglýsir eftir fólki í stjórn

Þríþrautarþing árið 2018 fer fram laugardaginn 24.mars næstkomandi kl. 13:00 í húsi ÍSÍ að Engjavegi 6.

Þríþrautarsambandið auglýsir eftir fólki til að gefa kost á sér í stjórn Þríþrautarsambands Íslands, áhugasamir hafi samband á info@triathlon.is fyrir miðnætti föstudaginn 23.mars 2018

Keppnisdagskrá 2018

13. maí
Ofur-sprettþraut í Kópavogi – Breiðablik

27. maí
Hálf Ólympísk (sprettþraut) í Hafnarfirði – SH

2. júní
Götuþríþraut Eskifirði (ofur-sprettþraut og olympísk)

24. júní
Ólympísk þríþraut Laugavatni Íslandsmót + ½ Ólympísk – Ægir

25. ágúst
Ofur-sprettþraut í Reykjanesbæ – UMFN

1.september
Þríþraut Craft – Ísafjörður (700 m/17 km/7 km)

Guðlaug Edda 3. á ETU Norðurlandameistaramótinu í sprettþraut

Guðlaug Edda Hannesdóttir, þríþrautarkona úr Ægi, endaði fyrr í dag í þriðja sæti á Norðurlandameistaramótinu í þríþraut sem fram fór í Fredericia, Danmörku. Keppt var í sprettþraut sem samanstendur af 750 metra sundi, 20 km hjóli og loks 5 km hlaupi.
Guðlaug byrjaði af krafti og kom fyrst upp úr sundinu sem skilaði henni í lítinn en sterkan fjögurra kvenna hjólahóp. Í hópnum mátti sjá þversnið af bestu þríþrautarkonum á Norðurlöndunm en í hópnum voru tveir Danir og Svíi, ásamt Guðlaugu. Hópurinn vann vel saman og þegar kom að hlaupinu var þessi hópur kominn með meira en mínútu í forystu á næstu konur. Guðlaug fór vel af stað í hlaupinu og var önnur lengst af í harðri keppni og náði hún að tryggja sér bronsverðlaun og verða þar með fyrst Íslendinga til að ná í medalíu í meistaraflokki hjá ETU (European Triathlon Union). Frábær árangur hjá þessari ungu og efnilegu þríþrautarkonu. Sigurður Örn Ragnarsson, þríþrautarmaður úr Breiðablik, keppti einnig í dag í sömu keppni og varð í 19. sæti í meistaraflokki karla.

Guðlaug var hæst ánægð með þessi úrslit en hún er búin að glíma við veikindi síðustu tvær vikur. Það er búið að vera mikið að gera hjá henni sumar en fyrir tveim vikum setti hún brautarmet í 10 kílómetra hlaupi í Reykjavíkurmaraþoninu, og náði að auki þriðja besta hlaupatíma íslenskra kvenna frá upphafi í götuhlaupi. Þrátt fyrir keppnir síðustu vikna er lítill tími fyrir hvíld en hún heldur af stað á mánudaginn í æfingarbúðir í Portúgal sem er þáttur í undirbúning fyrir HeimsmeistaramótU23 sem fer fram í Rotterdam, Hollandi eftir tvær vikur.

ITU/ETU viðmið

Stjórn ÞRÍ hefur sett eftirfarandi viðmið í afreksstefnu sína.

Til að keppa í ETU/ITU keppnum í meistarflokki (elite) þarf einstaklingur að standast eftirfarandi lágmarkstíma í sundi og hlaupi:

Hlaup karlar: 5 og 10km: 16:00 og 32:50 og 33:15 sem lágmark.
Hlaup konur: 5 og 10km: 18:40 og 38:10 og 39:30 sem lágmark
Sund karlar: 800m/1500m sundlaug: 9:20 og 17:50 og 18:30 sem lágmark.
Sund konur: 800m/1500m sundlaug: 9:50 og 18:30 og 19:40 sem lágmark.

Dæmi: Karl hleypur 10km á 33:00 og þarf þá að synda á 17:40.
Kona sem hleypur 10km á 37:00 má vera 19:40 að synda 1500m.

Reglur og viðmið fyrir HM í ólympískri vegalengd í Rotterdam 14.-17. september 2017

The following information outlines the selection policy and criteria for age group athletes into the Icelandic World Championship Triathlon Team to Rotterdam, 2017.

Selection is based primarily on two key aspects:

  • Eligibility of athletes, and
  • Race qualification standards

The nominated selection event is the Iceland Olympic Distance National Championship Laugarvatn, Sunday 18 June 2017.  All athletes wishing to gain selection must complete a Selection Nomination Form within seven days of the qualifying race. The deadline is 18:00 on Sunday 25 June.

Eligibility criteria. You must on selection race day:

  • Be a citizen or permanent resident of Iceland – or have lived continuously in Iceland for two years, hold an Icelandic kennitala, and not have represented another country within the last 12 months
  • Be a current member of an Icelandic affiliated triathlon club
  • Have a good relationship with the Icelandic Triathlon Federation

Race qualification standards:

  • Finish within 20% of the gendered age group winner’s time
  • Finish within the number of allocated slots (based on age group finished position)

Overseas based Icelanders

If circumstances prevent the athlete from travelling to Iceland to attend the selection event, they may still be considered for special circumstance selection. However, the following must apply:

  • Must be a citizen of Iceland
  • Must complete the selection application within seven days of the Iceland selection event
  • Membership of an Icelandic triathlon club is encouraged, but not compulsory.

Special circumstances

Consideration will be given to athletes who are unable to compete in (or finish) the selection event. Any special circumstances selection is at the selection committee’s discretion.

This includes athletes who:

  • Have entered the selection event and their performance was adversely affected by illness / injury / mechanical problems
  • Are unable to compete at the selection event due to health / surgery / other extenuating circumstances.

If you have any questions relating to the above policy, please contact the Age Group Team Manager, Sarah Cushing at info@triathlon.is

FORMAL POLICY (link to pdf version)- Selection_Policy_and_Criteria_2017

 

Hákon Hrafn Sigurðsson sigrar sinn aldursflokk í meistarmóti

Challenge mótaraðarinnar í Samorin í Slóvakíu.

Nú um helgina fór fram í Samorin í Slóvakíu meistaramót Challenge-mótaraðarinnar í hálfum járnmanni (middle distance) þar sem þríþrautakarlar og konur í verðlaunasætum frá mótum liðins árs etja kappi. Syntir voru 1900 metrar, hjólaðir 90 kílómetrar og hlaupið hálft maraþon.

Meðal keppenda voru 15 Íslendingar, sem unnu sér keppnisrétt í Challenge Iceland 2016 og náðu góðum árangri í Slóvakíu í dag þrátt fyrir steikjandi hita.

Hákon Hrafn Sigurðsson úr Breiðabliki sigraði í flokki karla 40-44 ára og varð í 25. sæti yfir heildina, skammt á eftir atvinnumönnum í þríþraut. Tími hans var 4 klukkustundir, 14 mínútur og 10 sekúndur.

Ragnar Guðmundsson varð í 3 sæti í aldurshópnum 45-50 ára á tímanum 4 klukkustundir, 30 mínútur og 27 sekúndur.

Hjördís Ýr Ólafsdóttir úr 3SH náði besta tíma á vegalengdinni sem íslensk kona hefur náð, eða 4 klukkustundir, 56 mínútur og 49 sekúndur. Hjördís varð einnig fjórða í aldursflokknum 35-39 ára.

Hákon Hrafn Sigurðsson, Breiðablik til vinstri sem sigraði aldursflokk karla 40-44 ára og Ragnar Guðmundsson sem varð í 3 sæti í aldursflokknum 45-50 ára.