ÞRÍ óskar eftir fjölmiðlafulltrúa

Þríþrautarsamband Íslands óskar eftir að ráða fjölmiðlafulltrúa í hlutastarf.

Fjölmiðlafulltrúi sinnir fjölbreyttum og áhugaverðum verkefnum s.s. frétta- og greinaskrifum og hefur umsjón með samfélagsmiðlum.

Ráðið verður í starfið til eins árs og miðast starfshlutfall við 4 klst á viku.

Helstu verkefni:

• Umsjón með vikulegum greinaskrifum og fréttabirtingum á heimasíðu ÞRÍ
• Umsjón með fréttum af keppnum sem haldnar eru á Íslandi og erlendis
• Kynningar á viðburðum á vegum ÞRÍ ásamt umfjöllun um þá.
• Umsjón með umfjöllun um afreksíþróttafólk
• Umsjón með samfélagsmiðlum
• Samskipti við fréttamenn, ljósmyndara og aðra sem koma að fjölmiðlahlið sambandsins
• Vera þríþrautarfélögum innan handar varðandi fjölmiðlamál
• Önnur tilfallandi verkefni

Hæfniskröfur:

• Brennandi áhugi á þríþraut
• Áhugi á miðlun upplýsinga og markaðsstarfi
• Reynsla af frétta og greinaskrifum er kostur
• Mjög góð tölvukunnátta og þekking á samfélagsmiðlum
• Góð íslenskukunnátta í ræðu og riti
• Sjálfstæð vinnubrögð, frumkvæði og gott hugmyndaflug
• Hæfni í mannlegum samskiptum

Frekari upplýsingar umstarfið veitir Valerie Maier í síma 8688323.

Áhugasamir eru vinsamlegast beðnir um að senda inn ferilskrá og kynningarbréf á netfangið info@triathlon.is.

Umsóknarfrestur er til og með 15 desember 2021.