Hæfileikamótunarhelgi ÞRÍ 2026 var haldin í Hafnarfirði.

Dagana 13.–14. júní stóð Þríþrautarsamband Íslands fyrir hæfileikamótunarhelgi fyrir ungt þríþrautarfólk á Íslandi. Markmið helgarinnar var að efla tæknilega færni þátttakenda, auka áhuga á markvissri þjálfun og styrkja tengsl innan íþróttarinnar.

Á laugardeginum var lögð áhersla á sund- og hlaupatækni þar sem þátttakendur fengu bæði fræðilega yfirferð og verklegar æfingar með myndgreiningu og einstaklingsbundinni endurgjöf. Á sunnudeginum beindist athyglin að hjólatækni og skipti æfingum.

Með fjölbreyttum æfingum, tæknivinnu og umræðum fengu þátttakendur dýrmæt verkfæri til að þróa færni sína áfram í þríþraut.

ÞRÍ þakkar öllum þátttakendum fyrir frábæra helgi og hlakkar til að fylgjast með framþróun þessa efnilega hóps á komandi misserum.

Ragnar Guðmundsson sá um yfirumsjón búðanna en honum til aðstoðar voru Guðlaug Edda Hannesdóttir Ólympíufari og Geir Ómarsson frá ÞRÍ.