Stefán Karl Sævarsson og Hákon Hrafn Sigurðsson úr Breiðabliki tóku þátt í Evrópumeistaramótinu í járnmanni sem fór fram í Roth í Þýskalandi um helgina.

Mótið var jafnframt þýska meistaramótið í járnmanni og voru Þjóðverjar óvenju fjölmennir í keppninni þetta árið. Sigurvegarar í keppninni urðu Anne Haug sem er núveradi heimsmeistari í greinninni og Patrik Lange sem varð heimsmeistari árið 2018.  Stefán Karl keppti í aldurflokki 35-39 ára og náði 2. sæti á tímanum 8:44:26 og Hákon Hrafn keppti í aldursflokki 45-49 ára og varð einnig í 2. sæti á tímanum 8.48:04 og var einungis um mínútu frá sigurvegaranum í þessum flokki. Þetta er í fyrsta skipti sem Íslendingar ná í verðlaun á Evrópumeistaramóti í járnmanni í aldursflokkum.