Guðlaug Edda Hannesdóttir tryggði sér í liðinni viku þátttökurétt á Ólympíuleikunum í París 2024.

Við erum óendanlega stolt af Guðlaugu og verður þetta í fyrsta skipti sem að Ísland á þátttakanda í þríþraut á Ólympíuleikum en fyrst var keppt í þríþraut á Ólympíuleiknum í Sydney árið 2000. 

Keppnin mun fara fram miðvikudaginn 31. júli og verður synt í ánni Signu, hjólað um stræti Parísaborgar meðal annars hinni frægu Champs-Élysées og þar sem hlaupaleiðin mun einnig liggja. 

Þetta verður stór dagur fyrir okkar unga þríþrautarsamfélag og hvetjum við alla til að fylgjast með þann 31. júlí næstkomandi.