Glæsilegur hópur Íslendinga tók nýverið þátt í heimsmeistaramótinu í þríþraut í Pontevedra á norður Spáni. 

Þrjár útfærslur af þríþraut voru í boði. En hægt var að keppa í tveimur greinum. 

Ofursprettþraut:
300 metra sund
7 km hjól
1,6 km hlaup

Tvíþraut sund-hjól:
1500 metra sund
40 km hjól

Olympísk þraut:
1500 metra sund
40 km hjól
10 km hlaup.

Fyrst íslenskra kvenna var Elísabet Einarsdóttir á tímanum 2:42:08 en Beta varð í 19. sæti af 43 keppendum í sínum flokki.

Hraðastur íslenskra karla var Kári Steinn Kjartansson á tímanum 2:24:16. Þess má geta að Kári var þriðji í sínum flokki eftir sundið. Hann er með bakgrunn úr sundi en er nýbyrjaður í þríþraut og hefur sýnt miklar framfarir á stuttum tíma. Fylgist vel með honum á næstu árum. 

Það var álit íslenska hópsins að brautin hafi verið einstaklega skemmtileg en ansi krefjandi en synt var í á en hjóla- og hlaupaleiðir voru með töluverðri hækkun, um 600 metrar á hjól og 160 í hlaupi. 

Árið 2024 verður keppnin haldin í Malaga á Spáni þann 17-20 október.  

Fleiri myndir má sjá á Fésbókarsíðu þrírautasambandsins.

Úrslit í aldursflokkum má finna hér og tvíþraut hér:
Úrslit í atvinnumannaflokki má finna hér:
 

Mynd: Golli