Keppnisdagskrá 2022

Keppnisdagskrá 2022

27 April 2022 00:00

?Keppnistímabilið hefst eftir tæpar 2 vikur þegar Kópavogsþríþrautin fer fram í 17. skipti.

Meðfylgjandi er keppnisdagskrá sumarsins. Venjulega er keppt í tveimur flokkum, almennur flokkur og byrjendaflokkur. Bikarkeppni sumarsins er í almenna flokknum og þar fá einstaklingar stig eftir sæti og safna stigum yfir sumarið. Bikarkeppnirnar eru 6 talsins og stig úr 5 keppnum gilda þegar lokastigastaðan er tekin saman. Einstaklingar safna einnig stigum fyrir sitt félag og þar gilda stig úr öllum keppnum. Til þess að keppa í almenna flokknum þarf viðkomandi að vera skráð/ur í þríþrautarfélag en það er ekki krafa fyrir þau sem keppa í byrjendaflokki. Þar er ekki stigakeppni á milli einstaklinga yfir sumarið en einstaklingar sem eru skráðir í þríþrautarfélag fá eitt stig fyrir sitt félag fyrir þátttökuna óháð sæti.

SH vann stigakeppni félaga fyrstu árin eftir að þessu fyrirkomulagi var komið á. Breiðablik vann svo stigakeppnina þrjú ár í röð frá 2017-2019. Árið 2020 vann Ægir stigakeppnina en Breiðablik vann svo aftur í fyrra. Það verður spennandi að sjá hvernig stigakeppni félaga fer í sumar og við hvetjum sem flest til að taka þátt og safna stigum fyrir sitt félag.

Hákon Hrafn Sigurðsson