
23 July 2022 15:00
Fjórða bikarmótið í þríþraut fór fram við Hrafnagil í Eyjafirði í dag í veðurblíðu.
Keppt var í sprettþraut (750m sund, 20km hjól og 5km hlaup) en brautin var mjög hröð og góðir tímar náðust.
Í kvennaflokki sigraði Sædís Björk Jónsdóttir á tímanum 71 mínúta og 6 sekúndur. Önnur varð Sigurlaug Helgadóttir á tímanum 71 mínúta og 45 sekúndur. Helen Ólafsdóttir varð þriðja á tímanum 73 mínútur og 19 sekúndur. Þær keppa allar fyrir sundfélagið Ægi.
Í karlaflokki sigraði Sigurður Örn Ragnarsson úr Breiðabliki en hann kom í mark á tímanum 56 mínútur sléttar. Geir Ómarsson úr Ægi varð annar á tímanum 61 mínúta og 50 sekúndur og Einar Sigurjónsson, einnig úr Ægi, náði 3. sæti á tímanum 64 mínútur og 15 sekúndur.
Í byrjendaflokki sigruðu Brynja Dögg Sigurpálsdóttir og Nökkvi Norðfjörð en þau keppa bæði fyrir Ægi.
Í stigakeppni félaga sigraði Sundfélagið Ægir, Breiðablik varð í 2. sæti og Sundfélag Hafnarfjarðar í 3. sæti.
Hákon Hrafn Sigurðsson
Síðast breytt þann 23. July 2022 kl: 17:46 af Hákon Hrafn Sigurðsson