Ofursprettþrautin í Kópavogi fór fram um síðustu helgi við nokkuð góðar aðstæður. Sigurvegarar í almennum flokki urðu Þórunn Margrét Gunnarsdóttir (Ægir) og Sigurður Örn Ragnarsson (Breiðablik). Í byrjendaflokki sigruðu Sigurlaug Helgadóttir (Ægir) og Patrik Viggo Vilbergsson (Breiðablik). 

Einnig var keppt í nokkrum ungmennaflokkum en eftirfarandi urðu sigurvegarar þar: Finnur Björnsson (U23), Arnar Skúlason (junior) Hilda Bríet Gústavsdóttir (junior), Ísak Árni Guðmundsson (16-17 ára), Sara Björt Símonardóttir (16-17 ára) og Ylfa Ásgerður Eyjólfsdóttir (14-15 ára)

Keppt hefur verið á óbreyttri braut í almennum flokki síðan 2013 og meðfylgjandi eru 15 bestu tímar sem hafa náðst í brautinni í þessi 9 skipti sem keppt hefur verið (birt með fyrirvara um villur).